Olweefo olu tivali lo va kwaita va South Africa la djamo mo DRC

Exwata etivali lo ngudu yo vakwaita vefike po  257 ova fika pokamba yeameno lo mewangadjo ya  Waterkloof mo Pretoria.

Oshikundaneki sho SABC osha lopota kutya, oshilongo South Africa, osha ku famo omatanga asho moushilo wa Congo, sha landula ketokolo lo pamuhanga pokati ko SADeC noilyolongo youshilo wa Africa, opo shiyandje omito yee nghundafana do kweeta ombili di hovele mo DRC.

Okwa lopotwa South Africa, akanifilako ovakwaita vaye vefike po 14 mo DRC, pefimbo lo shiponokela shee  M23 rebels,  odo da kwatako etonatelo lo shilando  Goma tashi hangwa moushilo wa DRC.

Eelopota odati oku fika ko va kwaita moshilongo, okwa kala kwa kalekwa manga oule woivike sha landula ko mashongo enasha no malongekido oo ali adidilikwapo.

Ongudu yo tete yo vakwaita va Tanzania,  vefike po 249 nayo oya fika metitano okudja mo DRC.

Oo eli ominsiter ye tanga leameno Angie Motshekga, ta popi kutya ova teelela omalongekido oku kufako ovakwaita moshilongo DRC a kale amanifwa pexulilo lomwedi ou tuli.