Ompangu ya Germany nena oya gandja egeelo lyonkalamwenyo modholongo kondohotola ya Syria omolwa iimbuluma yepogolo lyuuthemba womuntu ,oku hepeka oonkwatwa miipangelo yopakwiita kohi yepangelo lyomupresitend omukulu Bashar al Assad

Iimbuluma ya longwa komunamimvo 40 Alaa Mousa pethimbo lyiita yopashigwana mo  Syria oyili oshitopolwa sheyamukulo li kenyeneka kepangelo lyuudikayamukulwa lya Assad,shiikwatelela komutamaneki a kwatele komeho etamaneko  mo Frankfurt,Christoph Koller.

Onzonkundana yo AFP oya lopota kutya Mousa okwa pewa ombedhi oku hepeka aavu kiipangelo yopakwiita mo Damascus nomo Homs iikando yili 18 pokati ko 2011 no 2012.

Moshikando shimwe okwa lopotwa a fike iilyo yopaumwene yokamati okashona,nomoshipotha shimwe okwa wende onkwatwa nowenda yoku dhipaga ,ndjoka  ya tindi oku dhengwa.

Kakele kiimbuluma yepogolo lyuuthemba womuntu,ompangu oya mono wo Mousa ondjo yedhipago,emonitho lyiihuna,niimbuluma yiita.

Nokwa tindi iipotha ayihe,mbyoka yeya ashike poluhayela oomwedhi oonshona sho Assad uumbwa koshipundi mu December 2024.