President Netumbo Nandi-Ndaitwah ayandja etumwalaka koo tate mefiku lavo

President Netumbo Nandi-Ndaitwah okwa dimbulukifa ova lumenhu va diinine oku wanifapo oinakuwanifwa yavo yo kwaamenenapo ovaneumbo vavo voo va kwafele yoo moku kelela omahepeko opaukashike koo okanhu oshoyo oulunga mokati ko shiwana.

Omutwe wo shilongo edi okwe dipopya oku pitila metumwalaka laye onghela olo lanuninwa efiku loo tate.

Nandi-Ndaitwah ta popi kutya edimbuluko lefiku loo tate olili omito ya fimana kova Namibia,  va didilike noku ulika olupandu ko valumenhu ovo va kufa ombinga mo inakuwanifwa ya fimana oku fila oshisho ovaneumbo vavo, oku vatekula, oku va amena, oku valonga noku va ulikila yoo oiholelwa iwa mo maumbo avo no moshiwana.

President Nandi-Ndaitwah ta holola nghene oo tate veli shikwetepo mo shiwana, tati ekalepo lavo olina enwefemo la kola moshiwana.

Okwatwa omukumo oo tate ovo veli  oiholelwa iwa ko maludalo avo va twikile noku shininga opo shikwashilipaleke kutya omaludalo avo okwa mona enwefemo liwa opo shi keva kwafele oku kala ovanhu vawa moshiwana sho komongula.

President Nandi-Ndaitwah ta halele omolo iwa ovalumenhu aveshe ovo va tambulako oinakuwanifwa ya fimana onga ootate va twikile noku shininga no hole, moshili ne filoshisho.