Aapambele yomupresitend omukulu gwa Zambia  Edgar Lungu oya kaleke oshikumungu shoku fala omudhimba gwe koshilongo okuza mo S.A,taya gandja ombedhi kepangelo oku pogola omatsokumwe omanene gefumbiko lye

O BBC oya lopota kutya omalongekidho okwali ga manithwa ,nomudhimba gwe okwali guna oku tuminwa koshilongo nena,konima yomasiku goonkundathana pokati kaapambele nepangelo.

Ashike aapambele ngaashingeyi oya kaleke ompangela ndjoka,tati oya dhigupalelwa koku uvako kutya epangelo otali longitha etsokumwe lyalyo.

Nomupopiliko gwaapambele Makebi Zulu okwati omudhimba gwe itagu falwa we koshilongo nena.

Tati epangelo olya pititha opolohalama yefumbiko,inaaya yiwa nayo moonkundathana.

Epangelo lya Zambia inali tyakosha.

Opwa kala omahilathano pokati kepangelo naapambele,nomahilathano ngoka kwali ga potokononwa,nokuyapo netsokumwe kumwe opo omupresitend eli koshipundi Hakainde Hichilema kwali a pewa epitikilo opo a kwatele komeho efumbiko lyopapangelo lya Lungu.