Omuleli gopombanda gwa Iran Ayatollah Ali Khamenei nena okwati oshilongo she itashi zimine eindilo lyomupresitend gwa America Donald Trump   opo Iran iigandje

Onzonkundana yo Reuters oya lopota kutya moshipopiwa she shotango okuza moshiponokela shetitano sha israel ,okwati ombili nenge iita itayi tulilwamo oshilongo.

Tati mboka yeshi Iran,nondjokonona ye itaya tsu kumwe nomipopyo kutya oshilomgo nashiigandje.

Tati Aa Aamerica naya tseye kutya eidhopemo kehe lyopakwiita lya America otali yamukulwa neyonagulo enene.

Aantu omayovi nena okwali taya fadhukapo Tehran sho oodhila dhiita dha Israel dha kala noku boma oshilando uusiku wa tetekele,nonzo oyati Trump okwali ta kala koompito dhoka dha kwatelamo oku wayimina israel oku ponokela omandiki giikwalute ga Iran.

Israel okwati oo jet dha Israel 50 odha dhenga iishonekwa ya thika 20 mo  Tehran uusiku wa piti.

Onzo yili ontenga noonkundathana dhomeni oyati Trump nospan ye otaya tala koompito dha yooloka ,dhoka dha kwatelamo oku wayimina Israel oku ponokela omandiki ga Iran giikwalute.

Iran ta lombwele Washington kutya ota yamukula ngele America okwa kutha ombinga yuukilila,shiikwatelela komukalelipo gwa Iran miigwana ya hangana Ali Bahreini.

Tati okwa mona nale America a kutha ombinga mushoka Israel ta ningi.