Interpol Harare Bureau palongelokumwe no SADC otayi unganeke oshigongiilonga longelokumwe shaanipambuliko mo Windhoek

Monkambadhala yoku kondjitha iimbuluma yopashimaliwa nokwaahalonga nuuyuki moshitopolwa,o Interpol Harare Bureau palongelokumwe no SADC otayi unganeke oshigongiilonga longelokumwe shaanipambuliko mo Windhoek.

Oshigongi shomasiku gatatu sha tameke ohela osheeta pamwe aayenda 40 okuza miilyolongo yo SADC,mwa kwatelwa o Intepol Regional Windhoek,oku topola uuyelele nomikalo omihwepo.

Sello Moerane,omukuluntu go Interpol Bureau Harare ngoka oshipopiwa she sha leshwa peha lye okwa dhenge omuthindo esimano lyelongelokumwe mokati kiilyolongo.

Tati osha simana ya ninge oshilalakanenwa elongelokumwe mokati kaanipambuliko ayehe,mwa kwatelwa omahangano gooveta,gopashimaliwa nomapangelo.

Tati paku longela kumwe,nena otaya vulu okuyapo nomikalo tadhi longo oku keelela noku kondjitha iimbuluma yopashimaliwa nokwaahalonga nuuyuki,paku kwashilipaleka kutya mboka yena mo ombinga oya taalela uuyuki.

Ta tsu omukumo epangelo lya Namibia oku tsikila oku yambulapo omikankalandu dhe dhopaveta nodhopaiputudhilo ,oku kondjitha iinyangadhalwa mboka yaali paveta.