Namibia atukuka omukifi wo Cholera

Namibia okwa shiivifa etukuko lo mukifi wo cholera moshitopolwa sha Kunene konima eshi sha kolekwa kutya omakonaakono oidjemo yo vanhu 2 vo mo vanhu 8 vali va kaningilwa omakonaakono okwa ulika ena oudu wombuto oyo.

Tapopi no ikundaneki onghela metine mo Windhoek, oo eli ominister yo uhaku  Esperance Luvindao  okwati ovafeekelwa veli 8 ova lo potwa mo mudingonoko wa Opuwo omo va 6 vo mwaavo vali tava feekelwa mwa kwatelwa oo axulifa ta ku tiwa oha vadi meumbo limwe.

Shelikwatelela ke hangano lo uhaku  mounyuni, WHO olati olopota keshe taikolekwa oina oku tulilwapo elombwelo le tukuko loudu oo.

Miniter tapopi kutya ekoleko lo i ningwanima ayo oili yoo eenghendabala de litulamo do vanambelewa vo uministry oku tulapo omikalo odo tadi amene ovaneumbo va kumwa oshoyo oshiwana opo omukifi uha tandavele okuya komesho.

Okwati okufika mo 18 June ovo va ningwa oihakanwa ovali veli monghalo yeetifa eenghono no velikalekelwa moshipangelo sha Opuwo omo tava mono ekwafo louhaku.

Luvindao, ta popi kutya ouministry waye owa tuma osheendo sho va nambelewa ko mu dingonoko oko opo ku ka yandjwe ekwafo lomeendelelo tati opa tulwa yoo enghendabala do kweetela oshiwana elunduluko lomeva ayela oku nuwa ko shiwana.

Minister tatu omukumo oshiwana shikalekepo oukoshoki noku longifa omeva ayela shoo shi endelele oku ka konga omakwafo ouhaku ngenge sha didilika omadidiliko omukifi wo Cholera, omo mwa kwatelwa omunhu tayi kondje omeva ile ta kungu.

Omukifi wo Cholera, owa talika ha u tandavele unene oku pitila melongifo lo meva ile oikulya ihena oukoshoki osho shina ekwatakanifo nee nele ina dikoshoka ile opo pehena ounduda voku li kwafelela ngenge oushitwe tawifana.