Ovanhu 20 ova xulifa eshi valya oikulya ina oudio mo Madagascar

Omuvalu wo vanhu va xulifa molwasho valya oikulya ina oudio moshilando   Antananarivo, Madagascar, okwa lopotwa paife wa fikama po 20.

Olopota ya pitifilwa oikundaneki okudja moshilongo osho oyati ovanhu veli 5 ova tulwa mo ipandeko shinasha no shiningwanima.

Eelopota odati olomakaya la djako ovanhu vefike lunga po 50 ovali poshivilo she dalo osho shali sha ningilwa momudingonoko wo doropa Ambohimalaza, no kulya oikulya ina oudio.

Ovanhu va hapu ota kulopotwa va kwatwa ko maupyakadi ngaashi etelele noku kala veheweteko konima eshi valya oikulya .

Shelikwatelela komalelo ouhaku okwati ovanhu veli 20, vakwao natango onghee veli moipangelo omo va hapu vo muvo veli meenghalo da divilika neenghono.

Oo eli ominister yo uhaku moshiloongo osho Zely Randriamanantany,  okwati ovo veli moipangelo oveli tava pewa ekwafo lomuti wo ku kodjifa oku dengamo oudio mo malutu.