Aanambelewa yuuhaku moshitopolwa Kunene otaya gandja enongelo lyuuhaku noku ninga enongonono, sha landula etukuko lyo Cholera moshitopolwa

Oshikondo shuuhaku moshitopolwa osha lopota iipotha ihetatu yo Cholera tayi fekelwa,omanga iizemo ihamano ya kolekwa ko labora,naayihe oya lopotwa momukunda Alpha.

Okanona komumvo gumwe oka hulitha komukithi,sho ka kanitha omeya molutu.

Moonkundathana no Nampa metitano,omunambelewa guuhaku womudhingoloko mo Kunene Barbara Kahiha okwati omakonakono gonziililo yomukithi onkee geli metifa.

Tati aanambelewa oyiitaala kutya omukithi ogwa ziilile ko Angola.

Angola okwa kala ta kodjitha o Cholera okuza mu Jan nuumvo.

Nomalelo moshilongo moka ga lopota iipotha ya konda 8 500 moomwedhi mbali,nomaso 329.

Kahiha tati iikonga nongelo otayi ningwa momikunda ngaashi Okangwati,Epupa,Otjimuhaka,oshowo dhilwe.

Ominista yuuhaku Dr Esperance Luvindao metine okwati oludhi lo Cholera ya dhidhilikwa olo Vibrio cholerae 01.

Minister tiindiile oonkambadhala dhopamuhanga oku yambidhidha oonkambadhala dhuuministeli,paku kwathela oku kwashilipaleka kutya mboka ya gumwa oyena omeya ga yela goku nwa,nuuyogoki wuli nawa,.