Iran okwati ita iwa moshipala oku tungulula omandiki aye oikwalute

Ondjayi inasha no shikondo sho ikwalute moshilongo  Iran’ okwati oshilongo ita shi tulako oshikelelifo oku ndulukapo oinyangadalwa yasho yo ikwalute.

Shelikwatelela ko shikundanei sho papangelo moshilongo osho, sho  IRIB oshati oo eli omu President we hangano lo Atomic Energy Organization of Ira, Mohammad Eslami edi okwe di popya pefimbo lee nghundafana odo aninga no shikundaneki eshi ali ta tikosha ko i ponokela ya ningilwa omandiki oikwalute ku  United States na Israel.

Okwa yelifa kutya pefimbo eli, oshikondo osha tulapo eemangela no malongekido apumbiwa oo enasha noku tungulula osho sha halakanifwapo.

Okwa denga omufindo nghene oshilongo sha tulapo yoo omafaneko oku ya moshipala eenghendabala keshe odo tadi va kelele oku ndulukapo omayakulo oikwalute.

Mo 13 June, okwa lopotwa Israel ali aningila Iran oiponokela yo mewangadjo meenele da yoolika doshilongo omo mwa kwatelwa endiki no kamba yetanga leameno tamu dipaelelwa ee commander da yooloka do shilongo oshoyo ovanongo voudindoli no va kwashiwana.

Iran menyamukulo laye naye ota ku lopotwa ali atuma oikuti yee missile no u drone mo Israel, oyo ya talika ya etififa omafyo noku fiya yoo ya nyanauna omandiki ayooloka moshilongo.

Oshilongo United States mo lomakaya ota kulopotwa sha ponokela omandiki eli 3 a Iran mwakwatelwa olo la Fordow, Natanz na Isfahan.

Menyamukulo la Irana koshiponokela osho aningilwa ku US okwa lopotwa atuma yoo oikuti yaye kokamba ya US oyo taihangwa mo  Qatar.

Konima ashike yo shiponokela sha Iran, osho aningila okamba ya US mo Qatar,  okwa lopotwa omu President Donald Trump, omandaxa ko nguloshi ayandja elombwelo kutya  Israel na Iran ovahanga eudafano twokumwe olo tali kwashilipaleke eeyeko loilwifo konima youle wo mafiku 12 va kala veli taalela moita.

Nande ongaho , Israel metivali ongula okwa popya kutya okwa didilika oikuti ipe yee  missile oyo yaumbwa okudja ko Iran,  ashike nande ongaho Iran okwe shilikala.