Aantu 11 oya dhipagwa,mwa kwatelwa omugundjuka,omanga oyendji yeehamekelwa moshiningwanima shokuumba uusiku wetiyali moshilando Irapuato sha Mexico

Aantu 11 oya dhipagwa,mwa kwatelwa omugundjuka,omanga oyendji yeehamekelwa moshiningwanima shokuumba uusiku wetiyali moshilando Irapuato sha Mexico,shiikwatelela komalelo ohela.

Onzonkundana yo Reuters oya lopota kutya ombelewa yomutamaneki ndjayi mo Guanajuato moka muna oshilando Irapuato okwati aantu yalwe 20 ,oya taambelwa miipangelo yena iilalo yoondjembo.

Omupresident gwa Mexico Claudia Sheinbaum ohela okwati iihakanwa oya kwatelamo aanona,nonando ombelewa yomutamaneki yaka koleka kutya okanona koomimvo 17 okeli mokati kaamboka ya dhipagwa.

Nomupresident okwati omakonakono ogeli metifa.

Iikundaneki moshilongo oya lopota kutya oshiningwanima shokuumba osha holoka pethimbo lyoshiindingili shuusiku shefudho lya Catholic,sho Nativity of John the Baptist.

Oshitopolwa Guanajuato osha kala sha taalela omakuyunguto uule woomvula,moka oongundu dhuungangala hadhi kondjele oondando noondjila dhiingangamithi ,noku longa iimbuluma yimwe.

Metiyali,aantu yalwe ya 5 oya dhipagelwa palwe moshitopolwa,shiikwatelela kombelewa yomutamaneki ndjayi.