Iran okwa tameke noku opaleka oshilandopangelo Tehran sha landula iiponokela ya Israel

Nompangela yombili yili miilonga okuza metiyali,omatungo moshilandopangelo sha Iran mo Tehran ngoka ga dhengwa pethimbo lyiita oga thikama nga ondhimbuluthi yiikolokosha yongaashingeyi,niilonga yoku opaleka ya tameka.

Onzonkundana yo Africa news oya lopota kutya ngoloneya goshilando okwati omagumbo ga konda 120 oga hanagulwapo thilu,omanga galwe 500 ga yonagula pethimbo lyiikolokosha yomasiku 12 na Israel.

Aanambelewa ya Iran metiyali oya tula ondjele yomaso moshilongo po 606,naantu 5 332 yeehamekwa.

Omiyalu dha pitithwa ohela kehangano lya Washington linasha nuuthemba womuntu olyati iiponokela ya Israel mo Iran oya dhipaga aantu ya thika 1 054,noku ehameka yeli 4 476.

Omanga Israel ati okwa kanitha aakwashigwana ye 28 omanga ya konda 1 000 yeehamekwa.

Niiponokela yooshela,oo drone noku boma kweya pehulilo,Tehran okwa tameka noku opaleka oshilando,noku shuna konkalo yoshito.

Sho ompangela yombili yili miilonga,opena omukumo kutya otashi vulika yeetithe etsokume lyombili lyuulethimbo,nonando epangelo lyati itali ethapo ompangela yalyo yiikwalute.