O Southern African Customs Union-SACU oyina omukumo kutya etsokumwe lyo African Growth and Opportunity Act (AGOA) otali ka lelepekwa

O Southern African Customs Union-SACU oyina omukumo kutya etsokumwe lyo African Growth and Opportunity Act (AGOA) otali ka lelepekwa,shiikwatelela kominista  yemona Ericah Shafudah

Ta popi peegululo lyoshigongi oshiti 52nd sho SACU Councils of Minister,Shafudah okwati iilongo yili meni lyo SACU oya mona uuwanawa mo AGOA,ngele tashiya kompito yokuya momalandithilo,eetepo lyiilonga, noku mona iiyemo yomapangelo gawo.

Opolohalama yiipindi otayi kwishi mu Sept nuumvo.

Minister ta holola omukumo kutya oominista dhiipindi mo SACU otadhi ka ikunda ompito yelelepeko lyo AGOA onga oshitopolwa shomatsokumwe giipindi na America.

O AGOA ohayi gandja ompito yokuya momalandithilo ga America oshali kiilongomwa ya konda 1 800 okuza miilongo 32 yo Sub Sahara Africa ,mwa kwatelwa Namibia.

Opolohalama oya kala miilonga okuza mu May 2000.

Oominista dhemona okuza mo Namibia,Bostwana,Eswatini, na Lesotho okutameka ohela sigo onena okwali dha tsakanene komeho yomutumba go SACU ngoka gwa kalekwa.

Shafudah,eli omunashipundi go SACU Councils of Ministers okwa nongele kutya oya kala taya ikundu iinima yiimanga kiipindi nemona.

Oshowo olopota yokomisi,ndjoka ya kwatelamo uuyelele wepondolo lyetulomiilonga lyo SACU Work Programme.