Omunaveta Simba Chitando okwati ota shidulika omangu itokole mouwa wo vakwapata va Lungu

Omukalelipo wo paveta elilepo oufemba wo shiwana mo SA, Simba Chitando, okwati omangu yo pombada ya Pretoria ota shidulika ika yandje elombwelo lili mouwa wova pambele vao ali nale omupresident wa  Zambia na kufya, Edgar Lungu.

Edi okwe di popya sha landula eshi omangu ya tulilapo manga oshikelelifo ovakwapata oku fudika Lungu, mo SA osho shali shina oku ningwa ngeno metitatu.

Epangelo la Zambia, ola hala opo omupresident kwali nale wo shilongo osho  Lungu,  aningilwe efudiko lo pa pangelo mo Zambia, etokolo olo taku tiwa ina li tambulwako ko vapambele va  Lungu, omolwo onghalo yo pa politika pokati ka  nakufya omupresident kwali no mupresident eli koshipundi Hakainde Hichilema, va kala noku li talela kombada yeenyala.

Omupedu tokoli president Aubrey Ledwaba, okwati  ovapambele opamwe ne pangelo ovatwa kumwe kutya,  Lungu ita fudikwa omanga oupyakadi oo ulipo ina upotokononwa oku pitila momangu.

Epwilikino laasho sha tokolwapo komangu okwa fanekwa lika kaleko no kuudika mo 4 August.

Chitando ta lombwele oikundaneki kutya, oveta ya South Africa  oili mouwa wo va kwapata, tati ota shidulika shi ka kale shadjuupalela epangelo la Zambia, kwaasho tashi ka tokolwapo ngenge oleya lili o lwaamambinga lo vakwapata.