Oshikakofimbo sho mukalelipo shilongo wa SA mo Namibia, osheya pexulilo

Oo akala omukalelipo shilongo wa South Africa mo Namibia, Thenjiwe Ethel Mtintso, onghela okwa li aka lekela omupresident Netumbo Nandi-Ndaitwah kutya oshikako fimbo shaye shoku kala moshilongo osheya pexulilo.

Oo eli omupopiliko wo muPresident, Alfredo Hengari okwati pefimbo lo shongalele osho sha ningilwa konima yo makumba , President Nandi-Ndaitwah okwa ulika olupandu laye ko mupresident wa  South Africa,   Cyril Ramaphosa,  omolwo eyambidido laye olo ali ayandja pefimbo oshilongo shali sha hangika ko luhodi ne djepo lo mupesident kwali woshilongo  Hage Geingob, oshoyo oo ali omukokoli President, Sam Nujoma.

Okwati meenghundafana davo ova popya yoo kombinga ye kwatafano loku longela kumwe moshikodo sho ikwanghono pokati ka Namibia na South Africa.

President ta popi kutya eshi pefimbo eli Namibia eli mo malongekido okweetapo omuku wo gas, okwa itavela kutya South Africa,  ota dulu oku kala oshilongo sho tete oku mona ouwa welongelo kumwe moshikondo osho.

Hengari okwa popya yoo kutya ova kundafana kombinga yo shikondo sho unamapya.

Nandi-Ndaitwah, te sheendulula nghene Namibia elitulamo moku longela kumwe na  South Africa, no velikunda yoo kombinga yo mafaneko oku kwatela komesho o shongalele shikwao sho  Binational Commission, sha landula o shongalele sha xuuninwa osho sha kwatelelwe komesho ku Namibia mo 2023.