Namibia na China oyeendulula ompumbwe yelongelokumwe lyopendji

Omupopi gopaalamende Dr Saara Kuugongelwa Amadhila nomukalelipo shilongo gwa China mo Namibia Zhao Wiping oyeendulula ompumbwe yiilongo yopaali  yi longele kumwe opendji,noku tothamo o AI,omapungulo, noku gwedha ongushu, onga iikondo yina oku vula kwelongelokumwe lyonakuyiwa.

Oonkundathana odha ningwa nena sho omukalelipo shilongo gwa  China mo Namibia a talelepo omupopi gopaalamende Saara Kuugongelwa Amadhila.

Oshigongi okwali sha lalakanene oku endulula uukumwe wuna oonkondo mboka uli nale pokati ka Namibia na China .

Kuugongelwa Amadhila tati Namibia ngaashingeyi ota vulu okwiilonga ku China,ngoka aadha omapondolo ogendji gopaliko muule woomvula.

Tati China okwa kandulapo omukundu goluhepo methimbo efupi,noshilongo otashi vulu okwiilonga komilandu dhe nelongitho lyuu teginology ngaashi o AI, oku nkondopeka okuvula kwasho,kakushi ashike paku mona uuwanawa, ashike noku yamukula wo kiiponga.

Tati wo China ota vulu oku gwedha ongushu koonzo dhoshilongo  dhopaunshitwe muuwanawa woshilongo.

Weiping teendulula omipopyo dha Kuugongelwa Amadhila,tati China okwa simaneka uukumwe we na Namibia,nokwa yambidhidha iilalakanenwa ye yeyambulepo,oshowo ompumbwe yoku gwedha ongushu.

Ta nongele wo elongelokumwe lyopaalamende pokati kiilongo yopaali,ndyoka lyeetitha egandjo lyobus yopaalamende noku gandja osaala ndjoka ya opalekwa komunashipundi go standing committee of China’s National People’s Congress, Hon. Li Zhanshu mo  2019.