Ongudu yo Democratic Alliance (DA) ye likufamo mo ikundafanwa yo pashiwana mo South Africa

Ongudu yo Democratic Alliance (DA)  mo South Africa, okwa lopotwa ya ninga etokolo loku likufamo mo ikundafanwa yo pashiwana onghalo oyo ya talika ya etififa oupyakadi wa wedwapo mepangelo lo pamuhanga mo South Africa, olo opo ashike la hangwa lawanifa odula imwe.

Onghalo yoku haudafana oya hovela shalandula eshi oo eli omupresident wo shilongo  Cyril Ramaphosa,  atataya oo eli omupedu  minister adja kongudu yo  Democratic Alliance, ta pewa oushima kutya okwa li aya molweendo ina shipitikwa pambelewa.

Andrew Whitfield, oo ta kutiwa oku li omupedu minister woipindi ota kulopotwa ali aya ko  United States, osho ta kutiwa okwe shininga inashidja padiminino lo mbelewa yo muprsident no tapewa oushima wokuya pomunghulo omilandu veta dewiliko leeminister moshilongo.

Ongudu yo DA, menyamukulo layo mwaashi oya pula Ramaphosa, akale yoo atataya moilonga moule weevili 48 ee minister 3 do ngudu yo  ANC, odo da taalela omatamaneko oku lunga noku litapula no ya yandja elombwelo kutya ngenge okwa dopa oku shininga oku na oku taalela oshilanduli.

Omahoololo oo aliko omudo wa djako mo SA okwa etififa ongudu yo ANC ikanife oipundi osho sha fininika opo patotwe epangelo lo pamuhanga no ngudu yo DA.

Nande ongaho eengudu dopavali oda talika dina omayooloko ado  ewiliko.

Oshikundafanwa sho pashiwana oshili oshinyangadalwa osho sha tamekelwepo ku Ramaphosa, omwedi wadjako osho tashi lalakanene oku kandulapo omaupyakadi ataalela oshilongo ngaashi onghalo yoku hena oilonga oshoyo oku kelela oimbuluma.