Ngoloneya Kadiva Diana Hamutumwa, okwati oshitopolwa sha Ohangwena ota shi hangwa eemito deyokomesho

Ngoloneya mupe opo ahoololwa mo shitopolwa shaOhangwena Kadiva Diana Hamutumwa,  okwati oshitopolwa ota shihangwa eemito da yooloka odo tadi dulu oku eta elunduluko leyokomesho li liwetikile mokati koshiwana.

Hamutumwa edi okwe dipopya onghela koikundaneki pefimbo ta yandje olupandu neudo nawa laye,  eshi atofwamo ko mupresident Netumbo Nandi Ndaitwah,  oku kwatela komesho oshitopolwa sha Ohangwena.

Okwati oshitopolwa osho sha yaamena keengaba da Namibia na Angola, oshili omito iwa oku koleka  ekwatafano  le longelo kumwe lo paipindi olo la kalapo nale  pokati koilongo yo pavali la tulilwepo  kovawiliki va tetekela ngaashi omukokoli president Dr. Sam Nujoma, oshoyo tatekulu Hifikepunye Pohamba, opo shixumife komesho eemito do mangeshefelo mouwa wo vanhu aveshe voilongo yo pavali.

Hamutumwa okwa popya yoo kombinga yo upuna wo meva okoshi yedu oo ta uhangwa moshitopolwa,  taudaneke nghene eeprojeka do meva odo dili momafaneko  tadi ndulu oku nghopolekwa opo keshe umwe moshitopolwa sha Ohangwena,  adule oku mona omeva ayela okunwa, oo tati otaa dulu yoo oku kala omito iwa koshiwana sheetepo oilikolomwa yo unamapya noku kelela onghalo yo ndjala.

Ngoloneya tapopi kutya omafaneko aeshe oo eli poshitaafula otaa dulu ashike oku tulwa moilonga  noku  pondolwa ngenge oshiwana tashi longele kumwe moukumwe umwe,  tati oo ashike omukalo oo ta ukwashilipaleke  kutya, oshitopolwa sha Ohangwena osho dingi meyokomesho.

Ngoloneya Hamutumwa,  okwa kufako oshinakuwanifwa shao a kala ngoloneya wo shitopolwa sha Ohagwena Sebastian Ndeitunga,  oo oshikakofimbo shaye sheya pexulilo omandaxa.