OmuPrima minister wa India okwa fika metalelepo laye mo lopambelewa mo Ghana

3 July, 2025

Oshikundaneki sho SABC, osha lopota kutya omu Prime Minister Narendra Modi, mo Ghana okwa fikamo onghela metalelepo lo pambelewa loule wo mafiku eli 2, elalakano laye oku nghonopaleka ekwatafano liwa lelongelo kumwe pokati koshilongo shaye na Ghana.

Modi, okuli omuprima wo tete wa India, ta talelepo oshilongo Ghana, moule wo mido dili 30 da djako no kwa fikila po kapale komatukodila ko paiwana ka Kotoka, no kwa hambelelwa pambelewa kewiliko lo pombada loshilongo osho.

Eelopota oda ulika kutya pefimbo loku kala kwaye mo Ghana, Modi okwa teelelika akaye meenghundafana newiliko lipe oku talulula komilandu delongelo kumwe odo da kalapo nale noku tala yoo kemito dipe do mapungulo odo tadi dulu oku tulwapo ngaashi mo shikondo sho ikwanghono, ouhaku neameno.

Omuleli wa India pefimbo eli moshilongo omo okwa teelelika yoo aka yandje oshipopiwa shaye koilyo yeumbo lomutumba wopashiwana.

Etalelepo lomuprima Modi ko Ghana, olili oshitopolwa shoku talelapo oilyolongo ya yooloka mounyuni omo mwa kwatelwa Trinidad na Tobago, Argentina, Brazil, oshoyo Namibia.