Efyo la Diogo Jota, lelinyengifa ovaholi vo maudano mounyuni

Efyo lo mudanauki wo club yo Liverpool no kuli yoo odalele yo shilongo Portugal Diogo Jota, oo kwa lopotwa axulifa onghela moshiponga sho tuwa, ola fiya lelinyengifa ovaholi vo maudano mounyuni.

Oshikundaneki sho BBC osha lopota kutya omunamido 28 Jota, okwa xulifila moshiponga sho tuwa onghela opamwe no mumwaina mati Andre Silva, pefimbo lo shiponga osho sha holoka moshitopolwa sha Zamora mo Spain.

Oshikundaneki sho BBC koshikondo shomaudano, oshati omunamido 28 pefimbo lo shiningwanima okwa hangwa molweendo lo kwalukila koshilando Liverpool, molwaasho okwali apewa omayele ku ndokotola waye  elivangeke okweenda meedila manga, omolwo etando lishona olo kwali aningilwa.

Jota okwa hangwa opo ahombola konima yoivike ili 2 ya kapita ahombola kahewa kaye ko paihole Rute Cardoso, oo vakala naye oule fimbo vena naye ounona veli 3.

O club yo Liverpool,  oyati efyo lo mudanauki wavo olili enyemateko la kula, omanga ovayambididi va hovela oku ngudumana pondje yo kapale ko Liverpool, oko taka hangwa mo England.

Oshikundaneki sho BBC, osha lopota kutya Jota, opamwe no mumwaina mati ota vaningilwa oshivilo dimbuluko sha xuuninwa nena komatango,  omanga kwafanekwa vaka kale va pakwa mongula mo lomakaya mo Porto, Portugal.