Elandifo leetuwa do kolusheno do Tesla mo Gemany oya didilikwa ya shuna pedu

Ongeshefa yelandifo leetuwa do kolusheno do Tesla,  oya ulika yawa pedu nee  60% mo Germany osho sha didilikwa moshikako shetata mudo 2025.

Eelopota do pambelewa okudja kehangano tali ufanwa Federal Motor Transport Authority,  oya ulika kutya eetuwa do Tesla – odo da ndulukwapo koshipuna sha U.S, Elon Musk – mo mudo woneudo oda ladifwamo ashike difike po 8,890 moule weehani 6 da djako neudo osho sha talika shili eyopedu lelandifo lee 58.2% oku shiyelekanifa no mudo wadileko efimbo la faafana.

Ehangano la US, loku etapo eetuwa olo tali hangwa mo Germany, ola ulika lashuna pedu mo malandifilo oipambuliko yalo nee 0.6%.

Onghalo ya nghudipala yo ngeshefa yeetuwa do Tesla, oya holoka konima eshi Musk, omudo wadjako apanga oukaume no muprsident wa US Donald Trump, no kwali yoo esheeta poluhaela nghene ali ayambidida ongudu yomilameno ya Germany (AfD) pefimbo lo mahoololo oilyo yeumbo lomutumba wopashiwana oo aliko mu February.

Eelopota oda ulika yoo utya nonande ongeshefa yeetuwa do Tesla, ta yuulike yashuna pedu , ofandifa yeetuwa do kolusheno mo Germany, oya ulika eyopombada nee 35%  moshikako fimbo shetatamudo.