Ovanhu 10 ova xulifa onghela pefimbo le hololomadilaadilo mo Kenya

Ovanhu veli 10 okwa lopotwa va dipawa omanga 29 vafiwa va ehamekwa mo Kenya, pefimbo lehololo madilaadilo tali ulike li heuditile ombili ewiliko lepangelo, olo la holoka moshilongo osho onghela.

Omafyo okwa holoka pefimbo ovanambelewa vopolifi veli denga mumwe nova hololi madilaadilo unene moshilando pangelo Nairobi, omo pefimbo lehololo madilaadilo eendjila oshoyo eengeshefa dihapu okwali datulwa omainda.

Ovanambelewa voku kalekapo eameno ovalongifa omiku doku difa omahodi no ku yukifa movahololi madilaadilo ovo tava ingida opo omupresident eli koshipundi William Ruto,  akale afiyapo oshipundi no tava yandje yoo oushima ko polifi kutya ota iningile oshiwana omahepeko, veheuditile ombili onghalo yoku lunga noku litapula oyo ya didilikwa moshilongo oshoyo onghalo yeendado doikulya yaninga ondilo.

Efiku lehololo madilaadilo longhela ola shiivika nawa nedina Saba Saba, olo lili oshilimbo mondjokonona yoshilongo Kenya okudja nghene kwali kwa unganekelwe ehololo madilaadilo mo 1990, omo oshiwana shali tashi pula oufemba washo wo udemocry ne manguluko.

Pefimbo lehololo madilaadilo opolifi oyali ya tulapo omainda oku kelela ovo taveya moshilando pangelo noku pitika ashike ovanailonga vomakwafo opaulumomumbwe aveke ovo velinyenge.

Eelopota odati eendjila odo da yuka keumbo lomutumba wopashiwana oshoyo kombelewa yo mupresident nado okwali da tulilwapo omainda pefimbo lo shiningwanima

Photo: Contributed