Opolisi ya Germany ohela oyati otayi konakona ondohotola tayi fekelwa oku dhipaga aavu aakokele oyendji

Opolisi ya Germany ohela oyati otayi konakona ondohotola tayi fekelwa oku dhipaga aavu aakokele oyendji,inaayi holola omwaalu gwiihakanwa.

Opolisi naatamaneki mo Itzehoe momushangwa oyati oya patulula omakonakono momaso gaavu.

Onzonkundana yo AFP oya lopota kutya aakonakoni otaya ningonona omaso galwe ga tetekele giimanga kondohotola mondoolopa Pinneberg monooli ya Germany pondje ya Hamburg.

Omidhimba odhindji odha ningilwa omakonakono,omanga dhilwe dha fumbulululwamo,ashike otashi kwata uule wiiwike opo iizemo yomakonakono ya gandjwe.

Shika osha landula iipotha iyali yongaashingeyi mo Germany,moka aanambelewa yuuhaku ya tamanekelwa iipotha yoku dhipaga aavu.

Mu April,aatamaneki mo Berlin oya tulilemo oshipotha ondohotola yetakamitho lyaavu taya ehamenene,oku dhipaga aavu 15 yopokati komimvo 25-94.

Omanga mu March,omupangi a tameke oku tamanekwa mo Aacehn sho a pewa ombedhi oku wendela aavu 26 iingangamithi yoku loteka uuwehame wuuwindji,noku etitha eso lyaavu 9.