Ovaleli voilongo 5 youshilo wa Africa vaka kufa ombinga moshongalele pamwe no mupresident wa US, Donald Trump

Ovaleli voilyolongo i 5 youshilo wa Africa okwa lopotwa velidenga olweendo oshivike eeshi opo vaka kufe ombinga meenghundafana no mupresident wa US Donald Trump.

Eshiivifo ola li la etwa po luhaela pexulilo lomwedi twadja olo lali la popya kutya,  mokati kovaleli ovo tava kaya ko US omwa kwatelwa omuleli wa Liberia, Senegal, Gabon, Mauritania na Guinea-Bissau no tava ka kufa ombinga moshongalele shoule wo mafiku eli 3 tashi ka ningilwa ko Washington okudja mo 9 fiyo 11 July.

Oshongalele osha talika shili sho tete sho pa diplomate mokati kovaleli va Africa pamwe no mupresident Donald Trump okudja nghene aningile omuleli woshilongo osho no shongalele shavo osha landula osho shali sha ningwa pokati komupresident wa South Africa Cyril Ramaphosa na  Trump shaliko mu May.

Eelopota odati ovaleli voilyolongo i 5 oyo ya ifwanwa ko Washington ova talika vadja moilongo ina ouyamba weedjo do paushitwe  ngaashi omahooli, omuku wo gas, gold oshoyo olikolomwa ikwao yeemina, ashike nande ongaho oilongo aishe oyo oya didilikwa ya taalela omashongo ayooloka ngaashi oulingilingi, onghalo yoku hena engungumano oku tumbulwapo ashike ishona.