Osheendo shaanambelewa ya hamano okuza mopaalamende ya Zimbabwe ohela osha talelepo amushanga gwegumbo lyopashigwana Ester Kaapanda

Etalelepo olili oshitopolwa shetumo talelepo lyawo lyokwiilonga ,ndyoka lili metifa mo Namibia.

Pethimbo lyoshigongi,Kaapanda okwa dhenge omuthindo esimano lyomatalelepo gafa mpoka,ta holola onkandangala yago oku vulitha okwiilonga noku topola omikalo omihwepo pokati koopaalamende.

Ta holola kutya oonkundathana dholudhi nduka odha simana oku ilonga  komalutu galwe gooveta.

Ta holola wo uukumwe wopandjokonona pokati ka Namibia na Zimbabwe,ta gwedhako kutya omatalelepo  ngoka otaga kutha ombinga oku nkondopeka elongelokumwe lyoopaalamende ,noku nkondopeka elongelokumwe pokati kiilongo yopaali.

Ta popi peha lyosheendo sha Zimbabwe,deputy clerk gopaalamende ya Zimbabwe Prince Daniel okwati elalakano lyetalelapo lyawo okwiilonga kopaalamende ya Namibia,onga oshitopolwa shoonkambadhala dhawo dhokwiilonga .