O Cenored ya yambidhidha oshipangelo sha Otjiwarongo

Ehangano lyo Central North Regional Electricity Distributor (Cenored) ohela olya gandja iiyakulithi ya simana koshipangelo shepangelo sha Otjiwarongo.

Chief Medical Officer goshitopolwa Otjozondjupa Dr Felix Mutombo okwa taamba omagano peha lyomukuluntu guuhaku Gebhardo Timotheus.

Tati oshipangelo okwali sha pumbwa iinima mbyoka ya gandjwa.

Tiindiile omahangano galwe ga landule oshiholelwa sho CENORED.

Iinima ya gandjwa omwa kwatelwa omalapi omatokele noo linen 200,oo thermometers dhoku tala uupyu waavu,uu tags womadhina gaapangi,omafile gaavu,oshowo iinima yilwe.

Omunambelewa kuluntu go Cenored Fessor Mbango okwati ehangano olya longitha oodola dha konda 117 000 okuyambidhidha oshigwana sha Otjiwarongo.

Tati oshipangelo osha pula ekwatho petameko lyomumvo,nokuuvaneke taa tsikile nelongelokumwe noshipangelo mpoka sha pumbiwa.