Ondohotola ya Germany oya tameke oku tamaneka nena,omolwa edhipago lyaavu 15 noowenda dhoku sitha

Omunamimvo 40 ondohotola yaamboka taya ehamenene,a tumbulwa kiikundaneki ya Germany kutya o Johannes M okwa hokololwa a dhipaga aakiintu 12 naalumentu 3 pokati ka Sept 2021 na July 2024 omanga ta longo mo Berlin.

Onzonkundana yo AFP oya lopota kutya ondohotola otayi pewa ombedhi oku wendela aavu yoomvula dhopokati 25-94 oowenda dhina oonkondo noodhipagi, nomiipotha yimwe okwa tomeke omagumbo gawo omulilo,oku siikila iimbuluma ye.

Omutamaneki Philipp Meyhofer petameko lyetamaneko mo Berlin okwati Johannes M okwa kala nokuunganeka oku talelapo omagumbo gaavu,nelalakano lyoku dhipaga aavu ye mboka yemu inekela onga ondohotola.