Muhammadu Buhari ota holekwa nena momukunda wavo Daura

Oshilongo Nigeria osha yandja elombwelo le fudepo opo kulilwe eenghali oku yandja efimaneko kwao ali nale omupresident woshilongo oo kwa lopotwa axulifa.

Nigeria okwati efiku lonena etivali, ota li kala efiku loku lefudo mo shiwana opo ku yandjwe efimaneko kwao ali nale omupresident akanangala  Muhammadu Buhari, oo kwa lopotwa amana oweenda waye mepipi lomido 82 axulifila moshipangelo tashi hangwa mo  London,  konima yo uyehame wefimbo.

Buhari ota kulopotwa ta holekwa nena momukunda wavo omo ayambukile Daura, Katsina ngaashi shili pamulandu we itavelo lavo loshi moshilema.

Olutu laye oku niwe elineekelo likale lafika moshilongo onghela komatango nota fudikwa nena po  2pm.

Nonande ali nale omupresident woshilongo okwa lo potwa ita ningilwa efudiko lo papangelo molwaasho ota fudikwa momukalo watalika wanafangwa.

Oshiwana okudja moshilongo no pondje yo shilongo onghee tashi twikile noku yandja omatumwalaka omahekeleko  mwa kwatelwa yoo ovo vali nale ovaleli voshilongo osho ngaashi  Goodluck Jonathan oshoyo  General Ibrahim Babangida, nova tongomona  Buhari ali ena oukwatya muwa.

President Bola Tinubu,  okwa yandja elombwelo opo oshilongo shi lile eenghali oule womafiku eli 7 no mapandela oshilongo otaa kala noku tulikwa etatakati.