Omupashiyoni omu Britain okwa hala oku ethiwa pa bail yoodola 50 000

Omupashiyoni gwa Britain eedhililwa kosasiyona yopolisi ya Maroelaboom sho a thaneke aanona yoshigwana shaayelele yeli owala ko Tsumkwe west ko Grashoek Living Museum okwa hala oku ethiwa pabail yodoola 50 000.

Omunamimvo 65 Douglas Robert Brooks okwa kala mondjedhililo okuza mu May, nokwa lombwele mangistrata gwa Grootfontein oku pitila muhahende gwe Thomas Andima ohela kutya ina thaneka owina aanona 33 mboka tayemupe ombedhi yekwatonkonga,endjondjo lyaantu ,nehepeko pailonga lyaanona oshowo iipotha yilwe yafa mpoka.

Ta pula opo a pitikwe oku mona omuhandjo mo hotel ,nokugandja ondjukithi yaampoka eli komukonakoni goshipotha.

Hahende gwe Andima okwati oku kala owala nenge hanga owala oshili omuthigululwakalo gwaayelele mo Tsumkwe,nomuyakulwwa gwe okweya thaneke nelalakano lyomapashiyono..

Epangelo lya kalelwapo ku Kristaiana Erastus olili ompinge,tati okuza momafano 2 000 ngoka Brooks a thaneka,1 500 ogaanona yeli owala.

Nepangelo olyati Brooks okuna oshipotha oshinene, nokuna okuthigala mondjedhililo.

Mangistrata Boniface Konga okuuvaneke taka gandja etokolo keindilo lyobail metitano.