Ngoloneya gwa Erongo okwa tulapo ethimbo opo omagumbo ko Farm 37 ga tungwe methimbo efupi

Ngoloneya goshitopolwa Erongo Natalia Goagoses okwa gandja elondodho komahangano taga tula miilonga omagumbo 200 ko Farm 37 Proper Housing Prroject kOmbaye,paku tulapo September gonuumvo onga omwedhi gwahugunina oku manitha noku gandja omagumbo ngoka.

Ta popi poshituthi shoku dhika ondhopi metiyali,Ngoloneya okwati opololeka kayishi ashike yoku tunga,ashike oyili wo kombinga yoku galulilapo etumba kaakalimo haya kala momalukanda guudha.

Ta dhenge omuthindo kutya omahangano naga kute aakalimoo,unene mboka yaahena owino naamboka yena owino onshona okuza mo Farm 37,oku shilipaleka kutya eyambulepo olya gandja uuwanawa koshigwana.

Ngoloneya tati kapena oshimaliwa tashi gandjwa komeho ,nokwa pula uundikuwetikile kaanambelewa ya Muni oshowo aataleli.

Oshimaliwa shoodola oomilion 75 osha pewa oshiluku shotango shopololeka yo Farm 37,okuza kuuministeli weyambulepo lyokomikunda noondoolopa,omanga Muni gwa Ombaye ta gandja oodola oomilion dhili 6.

O farm 37 ya tseyika onga o Green valley oya nuninwa oku udhulula omalukanda ngaashi o Kuisebmund no Narraville.

Kohi yo Mass Informal Settlements Upgrading Programme,oshiluku shotango otashi ka gandja omagumbo 200,opamwe nomayakulo ngaashi omeya,oondjila,nominino dhoonyata.