Oo ali nale omupresident wa Nigeria  Muhammadu Buhari  okwa pakwa onghela

Oo ali nale omupresident wa Nigeria  Muhammadu Buhari  onghela okwa holekwa noku pewa eumbo laye la xuuninwa momukunda wavo omo ayambukile wa  Daura.

Buhari okwa xulifila moshipangelo tashi hangwa mo London, omo akala tamono ekwafo lo uhaku oule wefimbo omolwo onghalo yaye yo undjolowele ya kala yanyika pangaapa.

Oshiwana shili momuvalu wo mayovi no mafele ota kulopotwa shali sheya oku findikila omuleli washo kwali nale.

Buhari  okwa kwatelele komesho oshilongo  Nigeria oshikando shotete onga odjayi yetanga leamaneo mo  1983 omanga ina umbwako.  Lwanima okwa kaningwa omupresident woshilongo mo 2015, no kwali oye o candidate yo tete yongudu yomilameno taifindanapo omahoololo moshilongo osho no kwa wilika oshilongo Nigeria fiyo 2023.

Ewiliko laye ola kemwa ku vahapu kutya ina kondjifa onghalo youlingilingi noku tulapo onghalo yeameno loshilongo nokwa pewa yoo oushima kutya eliko loshilongo ola nghundipala koshi yewiliko laye.

Oo eli omupresident woshilongo paife  Bola Tinubu, okwa tongomona  Buhari ali o patriot no mukwaita woshili.