Eswatini okwa tseyitha ohela kutya ota eta moshilongo aatembuki yatano mboka ya tidhwa ko America

Metseyitho ko Twitter metiyali,Tricia McLaughin o US Homeland Security assistant secretary okwati aalumentu ya 5,aakwashigwana ya Vietnam,Jamaica,omu Cuba,Yemen nomo Laos oya tuminwa ko Eswatini.

Tati ayehe oyali oongangala dha tulilwamo iipotha iinene,niilongo yawo oya tindi okuya taamba.

O Africa news oya lopota kutya Eswatini okwa ningi oshilongo shongaashingeyi oku kutha ombinga mopolohalama yomupresitend Donald Trump yoshilongo oshititatu oku taamba aatembuki.

Nekwatelemo lya Eswatini otali shekwa koompilameno.

Tadhiti otadhi kondema okweeta oongangala oonene moshilongo okuya mumwe noongangala dhawo oogundjuka  dhoka natango dhina ompito okushunwa moshigwana.

Tadhiti otadhiyi koompangu,ko International Court of Justice ,nenge kiiputudhilo yilwe yopaveta okutulamo enyenyeto.

Omupopiliko gwepangelo okwati mboka ya tidhwa ko America kayena oshiponga shegameno koshigwana.

America okwa tuma nale aalumentu ya 8 koshilongo shilwe sha Africa,ko South Sudan,.

Nokwa tuma wo aa Venezuela omathele nayalwe ko Costa Rica,El salvandor noko Panama.