Mac-Albert Hengari,  okwati kena omadilaadilo oku fadukapo ngenge okwa pewa omito yoku lifutilamo

Oo ali nale ominister yo unamapya Mac-Albert Hengari,  okwati kena omadilaadilo oku fadukapo ngenge okwa pewa omito yoku lifutilamo.

Pefimbo leindilo laye loku pwilikina omito yoku litufutilamo mekwatelo komesho la magistrate wa Windhoek Monica Andjamba, Hengari  okwati kena nande edilaadilo lasha loku fadukapo okuya pondje ya Namibia, eshi kutya oku na yoo omaliko aye oo eli moshilongo apumbwa efiloshisho laye.

Talombwele omangu kutya okuna oshikunino shounamapya ko Henties Bay, shongushu yoshimaliwa shee N.dollars 1.6 billion,osho eli kumwe nasho noo kaume kaye ova America.

Okwati edina longeshefa aayo tayufanwa Blue Ridge Aquaculture Africa (Pty), oili ya taalela eshongo paife oku haya komesho, omolwo nghalo yaye yo paife oyo eli muyo yoku kala modolongo.

Okwa holola yoo kutya okuna natango ofarm yedu yee 7 000-hectare, oyo taihangwa pokati ko Windhoek nOkahandja,  yongushu yoshimaliwa shee  N.dollars 20 million, tati okuna yoo eumbo olo talihangwa momudingonoko wa Klein Windhoek.

Tapopi natango noku lombwela omangu kutya okuli yoo omuyandji mayele elikalekelwa welenga lovanhu vomuhoko wOvaherero, Prof Mutjinde Katjiua.