Oshitopolwa sha Oshikoto otashi pungula mopololeka yilwe yuunafalama,oku kuna olwishi

Shika osha landula sho oshitopolwa sha tyapula eteyo lyotango lyiihakautu.

Ngoloneya gwa Oshikoto okwa talelepo omapya golwishii geli ga 3 moshikandjo hogololo sha Onayena  oshiwike sha oiti,nonena okwa lombwele o Nampa kutya etalelepo okwali tali tala kepondolo lyopololeka ompe ndjoka tashi vulika yu tule olwishi lwa longwa moshitopolwa momagumbo moshitopolwa.

Nonando opololeka ya taalela omashongo ngaashi gomeya,Ngoloneya Sacky Kathindi okuna omukumo.

Tuuvaneke oku kwashilipaleka kutya oompumbwe dhopetameko dhanaafalama noshigwana otadhi ka yamukulwa opo eteyo liye komeho pwaahena ekateko.

Aakwashigwana oya lundululile omapya gawo gomahangu muunafalama yolwishi noku longitha ompito oku tekula oshigwana nokuya momalandithilo gomoshitopolwa.

Kathindi ta holola wo kutya oshitopolwa osha tegelela wo eteyo lyuuna wamundesha  nepungu moomwedhi dhili komeho.