Omupresident Netumbo Nandi Ndaitwah  ohela okwa tseyithao okomitiye yopautekinika yopamuhanga yeetwapo oku yambihidha noku enditha etulomilonga lyo Youth Fund,iiyetwapo yuunafalama,noopolohalama dhokuupikilwa miilonga

Omupresident omanga ta tamekitha omalalakano omatihamano gomayambulepo gopashigwana o NDP6 nolopota ye yomasiku 100 mombelewa,okwati okomitiye oyina uuministeli welongo,aagundjuka,uudhanoo,uunkulungu noohedhi,nuuuministeli wemona.

Tati o National Work-Integrated Learning Framework otayi manithwa yi ziminwe ko cabinet,okutula aadheulwa 5 000 moopolohalama dhokuupikilwa miilonga ,noku tula oo %80 miilonga.

Tati oku thika mu June nuumvo,aadheulilwa miilonga yeli  734 oya tulwa miiputudhilo yepangelo ya yooloka,nokwa tumbaleke omahangano gepangelo nogopaumwene ngoka ga yamukula keindilo lyepangelo okugandja oompito dhokuupikilwa miilonga kaailongi nokwaamboka ya mana omailongo gawo.

Tati epangelo oliitulamo oku kwashilipaleka ompito yelongo yi thike pamwe kwaayehe moshilongo.

Tati wo iilonga oyili metifa oku kuthapo iifuta kiiputudhilo longo yopombanda okuza mo 2026.