Gaza okwa taalela omanyutu ga shigako,sho iikulya ya pwapo thilu,shiikwatelela kelondodho lyomahangano gomakwatho

Onzonkundana yo Sky news oya lopota kutya Israel okwa tindi kutya okuna mo ombinga mompumbwe yiikulya,ashike omahangano gooshali oga gandja ombedhi kepangelo okweetitha ondjala ,omaso, nomakuyunguto.

Omahangano gooshali nomahangano guuthemba womuntu ga konda 100 oga londodha omanyutu mo Gaza.

Tagati iikulya oyindji,omeya ga yela,niiyakulithi yuunamiti oyiili pondje ya Gaza,noku gandja ombedhi koondjindikila dha Israel.

Israel ngoka ha kondolola iinima ayihe tayiya mo Gaza okwa tindi kutya okunamo ombinga mompumbwe yiikulya niiyakulithi yilwe.

Omahangano taga indile opo oondjindikila dha Israel ku Gaza dhi kuthwepo oshowo eyamukulo lyomakwatho tali kwatelwa komeho kiigwana ya hangana..

Omukuluntu gwehangano lyiigwana ya hangana Antonio Guterres okwati ondjala oyili kehe pamwe moshikandjo sha Palestine ,ta hokolola onkalo kutya otayi etitha eikwatopomutima.

Aanambelewa ya Palestine oyati aantu 111 oya hulitha komanyutu pethimbo lyiikolosha mo Gaza,mwa kwatelwa aanona 80,yamwe miiwike yongaashingeyi.

Omanga Israel a gandja ombedhi kiigwana ya hangana oku ndopa oku gamena omakwatho,tati oga yakwapo kongundu yo Hamas nokoongundu dhilwe.

Aakwiita oya tindi omalundilo ga Israel.