Okomisi yo ACC okwali yuunganeke oonkundathana naagundjuka moshitopolwa Kavango east moonkambadhala dhoku kondjitha iimbuluma

Okomisi yoku kondjitha iimbuluma okwali ya ningi oonkundathana noshigwana ohela mo Nkurenkuru ,moonkambadhala dhokuunganeka aagundjuka moshitopolwa Kavanngo east ya wayimine ekondjitho lyiimbuluma.

Okuza nkene ombelewa yomo Rundu ya patululwa,oya yakula iipotha yokwaahalonga nuuyuki yili  26 miitopolwa iyali ya Kavango,oshowo moshitopolwa Zambezi.

Omunambelewa kuluntu go ACC enasha nelongo lyoshigwana nekeelelo lyokwaahalonga nuuyuki Paulus Lyambezi okwati oshitopolwa Kavango west osha kalelapo iipotha itatu,naanambelewa taya kwatakanitha omwaalu guli pevi kompumbwe yenongelo nuutile woku ningwa nayi kwaamboka taya lopota iipotha.