Ominista yeyambulepo lyokomikunda noondoolopa James Sankwasa okwa tulapo ethimbo opo ookamusela ya Katima Mulilo ya gandje efatululo lyewiliko pambambo nolyopashimaliwa okuthika metitano

 

Ominista yeyambulepo lyokomikunda noondoolopa James Sankwasa okwa tulapo ethimbo opo ookamusela ya Katima Mulilo ya gandje efatululo lyewiliko pambambo nolyopashimaliwa okuthika metitano,nenge ya tidhwe miilonga nenge ya tulwe pevi.

Elombwelo olili mombaapila okuza ku Minister yomasiku 22 July.

Ombaapila oya holola okwaahalonga nuuyuki kwiitsuwa pethimbo lyetalelepo lya Minister mu May.

Tati elelo lyondoolopa olya pingakanitha shaali paveta omaliko ga kwatelamo evi,iiyenditho noo computers inaashi ziminwa ku minister,shoka ati osha pogola okatendo okaii 30 ko Local Authority Act 23 of 1992 ngaashi ya tulululwa.

Nonando pwa tulwa elombwelo ku Minister oku galula omaliko ngoka,noku hulithapo iinyangadhalwa ayihe kevi lya gumwa,elombwelo inali tulwa miilonga.

Sankwasa ta gandja wo elombwelo kelelo lyondoolopa li potokonone omahilathano giilonga lya kwatelamo aanilonga 20,ndyoka ngashingeyi tali potokononwa paveta,tali kotha elelo lyondoolopa oodola 60 000 opo liipopile.

Mayor gondoolopa John Ntemwa  okwati okwa mona ombaapila,nokwati okwa pumbwa ethimbo olindji oku nongonona ombaapila omanga inaa gandja eyamukulo.