Omukithi go Cholera ogwa faalela oomwenyo dhaantu 2 302 mo Sudan okuza mu July gwa piti

Omukithi go cholera  ogwa faalela oomwenyo dhaantu 2 302 miilando 17 mo Sudan okuza sho ya tukuka mu July gwa piti.

Shika osha landula sho uuministeli wuuhaku metiyali wa lopota iipotha iipe 1 034.

Pokati ko 12 July no 18,iipotha 1 307 oya lopotwa,mwa kwatelwa omaso 18.

Onzonkundana yo Africa news oya lopota kutya ombelewa yo United Nations Office for the Coordination of Humanitarian Affairs oya londodha kutya oshikele mo Sudan otashiindjipala omolwa o dengue fever,o cholera,nomafundja.

Oshilongo osha taalela wo iikolokosha pokati ketanga lyopakwiita lyepangelo no Rapid Support Forces,mbyoka ya tukuka mu April 2023.

Omalugodhi oga faalela oomwenyo dhaantu ommayovi,noku tululula oyendjii.

Noo %  70-80 dhomandiki guuhaku itaga longo pakuudha ngaashi gena ooku longa,omanga iipangelo ya konda 250 moshilonngo ya thiminikwa yi pate.