Oshimaliwa shoo cent ntano otashi kuthwapo,omanga pweetwa oshimaliwa shoo cent omilongo mbali

Omupresident Netumbo Nandi Ndaitwah ohela okwa tamekitha iimaliwa yomafo yoshilongo ya ningilwa omalundululo ,oshowo iimaliwa iipe iikukutu,yina uukwatya tawu lalakanene mboka yena uupyakadhi woku monako naamboka ihaaya monoko thilu.

Etamekitho olya tsakanene mumwe netyapulo lyomimvo 35 dho Bank of Namibia,lya ningwa kohi yehuku:Anchored in Stability: 35 Years of Central Banking Excellence and Innovation.

Iimaliwa ya ningilwa omalunduluko otayiyi momalandithilo mu August.

Ta holola iimaliwa yomafo ya ningilwa omalundululo niimaliwa iikukutu,omupresident Netumbo Nandi Ndaitwah okwa dhenge omuthindo esimano lyekwatelemo nompito oku mona ,meyambulepo lyopashigwana,tati iimaliwa yomafo oya lundululwa  oku yambidhidha mboka yena uupyakadhi woku monako.

Iimaliwa yomafo iipe  oyina omadhidhiliko ngoka tageyi dhimbululitha, paku guma, oku kwathela oohandimwe yeyi yoolole ,omanga iikukutu ya lundululwa muunene .

O Central bank oyati oshimaliwa shoothilinga mbali osheetwapo,omanga osipenitha tayi kuthwapo.