Ehangano lyo World Food Programme muukumwe nomahangano galwe oya manitha oonkambadhala yamukulo dhoomwedhi dhili omugoyi dhopaulumompumbwe dhoka dha yambidhidha oonkambadhala dhepangelo okuyamukula koonkalo dhoshikukuta dheetithwa konkalo yombepo yo El nino

Omushangwa gwa pewa o Nampa ogwati oshimaliwa shoodola oomilion dha Namibia oomilion 53 okuza ko United Nations Central Emergencyy Response Fund odha vulitha o WFP yi gandje omakwatho giikulya nogiitungilutu koohandimwe ya konda 63 000 moshilongo ashihe.

Opolohalama ya tameke mu octber 2024 sigo June nuumvo oya gandja omakwatho miitopolwa iyali yay Kavango,oshowo Omaheke.

Kakele kiikulya,o UNICEF oya gandja wo omayakulo guuhaku wopetameko kaantu ya thika 83 000 komahala goku topolela iikulya noku kwathela aanona mboka yena omanyutu ya falwe komandiki guuhaku.