Omuleli gompilameno mo Cameroon Maurice Kamto ota pataneke okwaaha kwatelwamo we momahogololo guupresident geliko lwanima nuumvo

Omuleli gompilameno mo Cameroon Maurice Kamto ota pataneke okwaaha kwatelwamo we momahogololo guupresident geliko lwanima nuumvo,a tulamo eindilo talululo ohela no Constitutional Council

Oshiwike sha piti,Kamto ngoka kwali a kutha ombinga momahogololo nomupresitend Paul Biya mo 2018 okwiindiikwa kaaha kuthe ombinga momahogololo nuumvo kokomisi yomahogololo.

Okomisi tayiti ongundu ye yo Manidem,oya gandja nale omuulikwahogololwa gomahogololo gonuumvo.

Ashike aayambidhidhi ya Kamto oyati oongundu dhilwe otadhi kutha wo ombinga naaulikwahogololwa ya yooloka,inaaya indikwa kokomisi yomahogololo.

O Africa news oya lopota kutya Kamto okwa talikako onga omukondjithi omunene gomunamimvo 92 Biya ,omuleli a lela uulethimbo muuyuni a lela oshilongo okuza mo 1982.

O United Nations Department of Safety and Security oya londodha kutya okwaaha kwatelamo aaulikwhaogololwa otashi vulika sheetithe omahololo madhiladhilo moshilandopangelo.