Oshiwana mo Gaza osha taalela onghalo yo ndjala ingulutila

Oprograma yo ikulya mounyuni mehangano loiwana yahangana oya kunghilila kutya onghalo ingulutila yondjala oyo ya didilikwa paife mo Gaza, ota iyelekwa nonghalo ya holokele mo Ethiopia oshoyo mo  Biafra (Nigeria)  momido da kadilongela.

Ross Smith, eli omunambelewa omukulunhu wo porograma yoikulya WFP, okwa lombwela oikundaneki mo Geneva,  kutya osho sha didilikwa paife mo Gaza ina shimonika nale nota shitilifa.

Okwati onghalo ya didilikwa paife ota idimbulukifa osho sha holokela mo  Ethiopia ile mo Biafra momido daka dilongela.

Edi omunambelewa omukulunhu okwe dipopya pefimbo lehangano lo Integrated Food Security Phase Classification Initiative (IPC) la yandja ekunghililo nena kutya,  oupyakadi uhapu wondjala owa taalela ovanhu moshitopolwa sha Gaza.

Ehangano lo IPC, tali yambididwa kehangano loiwana yahangana,  olina oshinakuwanifwa shoku tala ovanhu veli monghalo yondjala, nota lipopi kutya omukalo woku kwafela oshiwana shihafye kondjala mo  Gaza  oku pitika omakwafelo atwalwe momudingonoko omo.