Omupilima gwa Israel Benjamin Netanyahu okwa tegelelwa a gandje ompangela yegameno lyoshilongo ko cabinete oku kwatako iitopolwa ya Gaza

Nonando pena ethindakanno lyopauyuni tali koko oku hulitha oshikele mo Gaza,prime minister Benjamin Netanyahu otuulike keena nethindakano,ta mbandameke oku kwatako iitopolwa ya Gaza Strip ongele o Hamas ya zimine oku hulitha iikolokosha meni lyomasiku omashona geli komeho.

Onzonkundana yo Africa news oya lopota kutya Israel okwa kala tiilongekidha oku hulithapo iita ngele o Hamas oyiigandja,ya homatukulula nokuya muupongekwa ,shoka ongundu ya tindi.

Ngaashingeyi,olopota yoshifokundaneki sha Israel sho Haaretz oyati Netanyahu otaka tameka oku kwatako oshikandjo sigo o Hamas yiigandja.

Omafano gaanona yasa ondjala mo Gaza osheetitha ongeyo yoshigwana shomuuyuni omolwa oonkatu dha Israel moshikandjo.

Omupresitend gwa France Emmanuel Macron okwa tseyitha oshilongo she tashi talako epangelo lya Palestine mu Sept oshowo UK ongele Israel a zimine koku hulithapo iikolokosha miiwike ihetatu yili komeho.

Oshiwike sha piti Israel na America  oyiikuthamo moonkundathana mo  Qatar ,taya gandja ombedhi ko Hamas,tayati otaya tala koompito dhilwe.

Ongundu yo Hamas oya gandja ombedhi ku Israel okupogola oonkundathana dhoku hulithapo iikolokosha .