Uuministeli welongo owa tamekitha oshikonga shedhina:okuhulithapo oluhepo loku ilonga mu Africa alihe,kUutjo sports Stadium moshitopolwa Kunene

Uuministeli welongo,omadhilongo giikalekelwa,aagundjuka,uunkulungu noohedhi ohela owa tamekitha oshikonga shomasiku gatatu shedhina,okuhulithapo oluhepo loku ilonga mu Africa alihe,kUutjo sports Stadium moshitopolwa Kunene.

Oshikonga osheetithwa keyamukulo lyiizemo yelongo ya nkundipala moshilongo.

Ta popi petamekitho,omukuluntu gwelongo moshitopolwa Kunene Sophia Fredericks okwati onkalo yongaashingeyi otayuulike kutya opena epuko lyontumba sho Namibia ta tsikile oku mona iihuna koluhepo loku ilonga.

Oshikonga oshili kohi yehuku:Eradicating Learning Poverty, a National Priority.’

Omupopi omuyenda omukalelipo go UNICEF mo Eastern na Southern Africa Rudranarayan Sahoo okwa holola kutya nonando epangelo lya Namibia hali gandja o budget yoo% 20 kelongo,oshizemo shomapungulo onkee shili pevi.

Oyendji mboka ya kutha ombinga moshikonga oya holola kutya opena uupyakadhi woku ilonga moonguluskola shoka sha pumbwa oku yamukulwa,nokwiindiila eyambidhidho lya kola okuyambidhidha aalongwa mboka yena uupyakadhi woku ilonga.

Oshikonga otashi tala unene kaalongwa mboka yena uupyakadhi woku lesha noku shanga.

Omupresidente Netumbo Nandi Ndaitwah okwa tegelelwa a ka gandje oshipopiwa mesiku lyahugunina lyoshikonga.