Kenya ota kutha oonkatu dha kwata miiti oku kondjitha elongitho lyiikolitha

O National Authority for the Campaign Against Alcohol and Drug abuse,oya tseyitha ekondjitho lyeekelelo lyampoka nankene iikolitha tayi landithwa moshilongo.

Onzonkundana yo Africa news oya lopota kutya olopota ya pitithwa ohela,oyuulike kutya olutu olwiindiike elanditho lyiikolitha pamikalo nenge omaahala 10.

Etokolo olili oshitopolwa shoonkambadhala oonene oku shonopeka elongitho lyiikolitha,niingangamithi.

Kohi yomilandu omipe,elanditho lyiikolitha pamalungula,okuga etelwa momagumbo nomayakulo go couriers oshiindiikwa.

Oshowo koosasiyona dhomahooli,oo restaurants,momagumbo,oshowo muustola wiidhanitho yaanona nenge moka hamu landwa iinima yaanona.

Omanga oomvula dhoku longitha iikolitha dha kuthwa po 18 okuya po 21.

Nakehe ngoka eli kohi yomimvo 21 ita pitikwa we okuya mehala hali landitha iikolitha,nonando oyeli naakuluntu.