Opolisi yoshilongo oya lopota iipotha ihamano yendjondjo lyaantu pokati ka June 2024 na June nuumvo

Opolisi yoshilongo oya lopota iipotha ihamano yendjondjo lyaantu pokati ka June 2024 na June nuumvo,shiikwatelela komukuluntu gopolisi yoshilongo Joseph Shikongo.

Ta popi ketyapulo lyesiku lili ompinge nendjondjo lyaantu muuyuni ko Rundu,Shikongo okwa holola kutya aa Namibia yatano oyeetwa wo moshilongo okuza ko Myanmar pethimbo lya faathana.

Myanmar oshilongo shili mo southeast Asia,shi shiwikile onga ondingandinga yendjondo lyaantu.

Omanga oshihakanwa shimwe sha galulilwa moshilongo okuza ko Laos ,omanga yamwe ya kuthwa mo Namibia okuya ko Angola,yaali okuza ko Bostwana nagumwe ko Zambia.

Shikongo ta holola omukalo tagu indjipala gwendjondjo lyaantu gwa kwatelamo aakiintu naalumentua agundjuka pokati ka Namibia niishiindalongo,mwa kwatelwa Angola,Zambia,Zimbabwe na Bostwana.