Omunafalama oo adipaele ovakainhu veli 2 noku yandjapo omalutu avo alikepo koingulu okwa taalela epangulo mo S.A

Omunafalama omutilyane mo South Africa opamwe no vanailonga vaye veli 2 tava pewa oushima woku yasha okufya ovakainhu voshipa shilaula no ku yandjapo omalutu avo alikepo koingulu , ova taalela epangulo shinasha nomadipao.

Maria Makgato 45, oshoyo  Lucia Ndlovu, 34, ota kulopotwa pefimbo vayashelwe okufya vahangwa tava kongo oikulya mofarm taihangwa popepi na  Polokwane moshitopolwa sha Limpopo  mo  South Africa,  oshiningwanima aasho sha ningilwe omudo wadileko.

Omalutu avo ota kulopotwa ali apewapo oingulu nelalakano lovafeekelwa oku kanifa oikoti.

Oshikundaneki sho BBC, nena osha lopota kutya Mwene wo Farm Zachariah Johannes Olivier, 60,  oshoyo omunanilonga waye Adrian de Wet, 19, na William Musora, 50, natango onghee veli metonatelo lo polifi nova teelela epangulo.

Oshiningwanima okwali sha halwifa ova South Africa, osho vahapu va tala kutya oshili exwaxwameko lo ukwamuhoko moshilongo nonande onghalo yoka tongo tongo moshilongo ya xulifwapo nale konima yomido 30 daka pita

Picture