Acc okwati Immanuel Mulunga okwa kala eshi eshi taningi moiholekwa yo Namcor

Omukonaakoni wo commisi yoku kondjifa oulingilingi okwa yemba oo ali nale omunambelewa omukulunhu mehangano lomahooli Namcor Immanuel Mulunga,  tati okwa kala noku kondoveka omaliko oiholekwa  yomahooli kewiliko lehangano nonande omauyelele aeshe okwa kala ena eshiivo muwo okudja pehovelo.

Omukonaakoni Oberty Inambao, pefimbo ta yandje oumbangi waye momangu okwati oshimaliwa shee  N$53 million osha kala noku dana onghandangala pokati kehangano lo  Namcor no Enercon osho tati osha longifwa onga omikalo doku kondoveka noku vaka oimaliwa yoshiwana oku pitila moinyangadalwa ya yooloka.

Epwilikino loku lifutilamo moshibofa shovatamanekwa mehangano lo Namcor olo la kwatelamo oshimaliwa shee N$480 million  ota lipula komesho momangu.

Inambao ta yandje ouyelele kombinga yomaliko a Enercon alandifululwapo ku  Namcor nonande okwa kala nale alandifwapo kouministry wetanga leameno ndee natango Namcor okwa twikila nooku yandja omahooli teshinginingi nelongifo lomaliko oo twoo oo nonande ehangano lo Namcor  iha limonoko ouwa washa.

Inambao talombwele omangu kutya nonande ehangano lo Enercon lali lafuta  Namcor N$35 million mu July 2022, opo akoshepo eengunga odo kwali ena, nande ongaho okufika mu November omudo omo twoo omo, ehangano natango ola kala lina omikuli domahooli dafikama pe N$35.7 million.

Okwati pefimbo lomakonaakono akala eli metifa, ACC okwali aya ko Namcor noku pula vapewe omauyelele aeshe oo tayandje oumbangi wanghene oimaliwa yomahooli yalongifwa.