O Bank of Namibia oya tamekitha oshikonga sho Financial Inclusion awareness Campaign

 

Oshikonga nongelo tashi ningwa moshilongo ashihe sho Financial Inclusion awareness Campaign tashi lalakanene oku kondjitha epatelo pondje lyopashimaliwa osha tamekithwa ko Bank of Namibia ohela.

Omupevi ngoloneya Ebson Uanguta okwati epatelo pondje lyopashimaliwa onkee lili eshongo enene moshilongo,sho einda lyoku mona omayakulo gopashimaliwa tali tsikile oku keelela aantu oyendji yaaha kuthe ombinga meliko pakuudha.

Oshikonga okwati oshili eitulemo lyopashigwwana oku kwashilipaleka kutya kehe omu Namibia,mwa kwatelwa aanafalama,aailongi,aakokele naanilonga miikondo mbyoka ihaayi kondololwa kepangelo otaya kutha ombinga pakuudha noshili pauyuki momulandu gopashimaliwa.

Noshikonga okwati otashi ka pa aakwashigwana owino nuunongo oku hogolola iilongomwa yopashimaliwa nomukumo,unene sho Namibia ta lundulukile meliko lyopaungomba,noku tulapo egameno lya kola oku gamena aa Namibia koku kengelelwa,oshowo omikalo dhopashimaliwa dhaali pauyuki.